عيني عليكى يامصر
عيني عليكى يامصر ومن إللى بيحصل فيكى
بيضيعوا دم ولادك ويسيبوا الدمع فـ عنيكى
محاكمات و مرافعات و مداولات هزلية
بتحسسنى بجد انى باتفرج على مسرحية
وقاضى متراخي بيقولوا عليه مستشار
وهو وبحق مجرد وجوده في هيئة القضاء عار
قال عاوز يلغى البث التلفزيوني بحجة الصالح العام
ونسى أو تناسى إن البث كان بناء على طلب الرأي العام
هولسه مش فاهم إن ده دم أبرياء ومصير دولة
وإحنا واقفين نسمع ولا حول لنا ولا قوة
علشان بكره يقف ويقول بصوت عالي وبكل جرأة
حكمنا على اللي قتلوكى ودبحوا ولادك بالبراءة
لو كان بايدى يابلدى كنت نسفت اللي بيتأمروا عليكى
وجبت ليكى الحق والعدل والأمان بين ايديكى
ولو كان بإيدى يا ولدى كنت اخدت حقك لوحدى بإيديا
وحفظت دمك وروحك جوا جوا قلبي وعنيا
هافضل أقول أأأأأأأأأه و اأأأأأأه واأأأأأأأه لحد ما تعلى أهاتى
واجيبلك حقك يا بلدى انتى وولدي وأكون بالنصر أتى
اعذريني يابلدى ماحلتيش دلوقتى غير كلماتى
هى سيوفى ودروعي وشموعى ودباباتي
لكن أوعدك بكره هاجيب لك حقك اللى ضاع هدر
و أصون دم إبني و أختى و أخويا من الجبان اللى غدر
طول ماحنا ايد فى ايد اكيد هنجيب النصر عناقيد ونهديه لمصر ام الخير ومنساش ان الكلمة اقوى سلاح وبكرة الحق يعود رغم كل عادى رعود
ردحذفشكرا لابداعك المتميز واحساسك العالى وديما نطرب سمعنا باحاديثك ان شاء الله
لك تحياتى