صرخة شهيد
| بلدي بتضييع منى يا مصريين |
| و انتم السبب في ضياعها |
| قتلتم فى قلوبكم الحنين |
| لترابها وبقيتم تخربوا فى ضياعها |
| التحرير رمز الحرية والكرامة والرأس المرفوعة |
| حولتموه لساحة معارك ومولوتوف وصرخات أنين مسموعة |
| دمى هان عليكم وروحى بقيت رخيصة من غير ثمن |
| حتى فى لحظة تكريمى نكستم رأسى وضاع منى الأمل |
| نسيتم إني دفعت روحى ودمى علشان تعيشوا أحرار |
| وانتم لسه بتحاربوا بعض وبتجنوا لمصر الدمار |
| رفعتم راية العصيان فوق علم مصر |
| ونسيتم أنها هى السند والروح والأصل |
| أستحلفكم بالغالي والنفيس وتراب الأم |
| تصحوا و تفوقوا ده إحنا بقى حالنا يغم |
| صونوا أرضها وعرضها وكرامتها الغالية |
| بحبكم لبعض والعمل والإصلاح |
| هتفضل رايتها دايما عالية |
| إمضاء شهيد |
